InicioSucesosDetido por tráfico de drogas un veciño de Vigo ao que interviñeron...

Detido por tráfico de drogas un veciño de Vigo ao que interviñeron varias papelinas de cocaína

Foi tras terse coñecemento da posible existencia dun 'punto negro' de venda de drogas na zona de Areal e Praza de Compostela.

PUBLICADO O

Axentes da Policía Nacional da Comisaría de Vigo detiveron a un veciño da cidade, de 36 anos de idade, como presunto autor dun delito contra a saúde pública, por tráfico de drogas.

Segundo informaron fontes policiais, a investigación iniciouse a principios do mes de marzo, tras terse coñecemento da posible existencia dun ‘punto negro’ de venda de drogas na zona de Areal e Praza de Compostela.

No marco desa investigación estableceuse un dispositivo de vixilancia, que permitiu identificar o sospeitoso, un home que se citaba en diversos puntos cos seus ‘clientes’, cos que facía rápidas transaccións, e que tomaba medidas de precaución para evitar ser detectado.

A Policía Nacional detívoo despois de realizar unha venda de droga na Praza de Compostela. Os axentes abordaron ao sospeitoso e cacheárono, intervíndolle varias papelinas de cocaína e diñeiro en efectivo.

O detido foi trasladado a Comisaría, onde se comprobou que ten antecedentes policiais, algúns por tráfico de drogas. O arrestado e as dilixencias practicadas foron postos a disposición do xulgado de instrución de garda.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...