InicioSociedadeDetido en Vigo por agredir a súa exparella na vivenda dela, á...

Detido en Vigo por agredir a súa exparella na vivenda dela, á que accedeu rompendo a xanela

A muller foi socorrida polas persoas que a acompañaban.

PUBLICADO O

- Advertisement -

Axentes da Policía Local de Vigo detiveron un home de 42 anos de idade, J.M.R.S., como suposto autor dun delito de violencia de xénero e outro de violación, tras acceder á vivenda da súa exparella rompendo unha xanela, e tela agredido e ameazado.

Segundo informaron fontes policiais, os feitos ocorreron na madrugada do mércores, cando o 092 recibiu unha chamada, na que unha muller alertaba de que a súa exparella tentaba entrar no seu domicilio, na zona do Calvario.

Cando unha dotación chegou ao lugar, atopouse nun piso a dúas mulleres que inmobilizaban un home. Unha delas, explicou que o home era a súa exparella, co que mantivera unha relación ata o pasado mes de xaneiro.

Segundo o relato dela, estaba no seu domicilio cuns amigos cando escoitou un ruído de fractura de cristais. Ao dirixirse a outra estancia da casa, comprobou que a súa exparella rompera a xanela e se introducira na vivenda, momento en que a agarrou polo pescozo e a insultou e ameazou, pero a muller foi socorrida polas persoas que a acompañaban.

A outra muller explicou que acompañara o sospeitoso ata o domicilio da súa exparella e que se quedou no exterior. Así mesmo, corroborou que o seu amigo entrara na vivieda da súa exparella e ratificou a versión a vítima. Por estes feitos, o home, que é de Vigo, foi detido.

ÚLTIMAS

Detido en República Dominicana un home condenado por violar e gravar a unha moza en Vigo tras fuxir de España

A Policía Nacional de República Dominicana detivo nas últimas horas a Miguel Ángel Wilson, de...

Traballadoras de Protección e Reforma de Menores concéntranse ante a delegación da Xunta para reclamar condicións laborais dignas

Traballadoras do servizo de Protección e Reforma de Menores concentráronse este martes, convocadas polo...

Renuncia por motivos de saúde o concelleiro de Educación, Deportes e Mocidade de Redondela, Iván Valles

O concelleiro socialista do Concello de Redondela, Iván Valles, presentou a renuncia ao seu cargo...

Sogama acusa a Caballero de mentir sobre a subida do canon do lixo

O presidente de Sogama, Javier Domínguez Liño, acusou este luns ao alcalde de Vigo,...