InicioEconomíaA CEP confirma o seu afastamento da patronal galega: "Están noutras batallas,...

A CEP confirma o seu afastamento da patronal galega: “Están noutras batallas, non no que preocupa aos empresarios”

Os empresarios pontevedreses reclaman medidas de continxencia ante os efectos económicos do coronavirus

PUBLICADO O

- Advertisement -

A Confederación de Empresarios da provincia de Pontevedra (CEP) ratificou este mércores o seu distanciamento da Confederación de Empresarios de Galicia (CEG), unha organización que non deu o seu apoio nin tivo a iniciativa, nos últimos dous anos, de “reclamar o que preocupa aos empresarios”, xa que “están noutras batallas”.

Así o trasladou o presidente da CEP, Jorge Cebreiros , nun encontro informativo para facer balance de actividade desta entidade empresarial, e no que enumerou as diferentes accións realizadas durante o pasado ano pola Confederación.

A ese respecto, lembrou que a organización participou en decenas de encontros coa administración pública, en reunións, foros e actos institucionais, e en xornadas sobre internacionalización ou negociación colectiva. Así mesmo, destacou que a CEP foi “a voz dos empresarios” en cuestións como a reclamación de eliminar a peaxe da AP-9 en Redondela e O Porriño, ou a defensa do Corredor Atlántico de mercadorías.

“E todo isto fixémolo sen a CEG. Nunca atopamos o seu apoio, nin as súas iniciativas para reclamar o que preocupa aos empresarios. Eles están noutras batallas”, constatou. Cebreiros explicou que a patronal de Pontevedra “non pode entender” que a CEG “leve dous anos en situación de transitoriedade”, e precisou que a organización provincial non se deu de baixa definitivamente da Confederación galega porque é fundadora da mesma e “por non facer dano”.

No entanto, preguntouse “que achega á CEP unha organización que non fai o que ten que facer”. “Nós imos polo noso camiño”, indicou, e lembrou que a patronal de Pontevedra hai tempo que non participa en actos, reunións directivas ou aprobación de contas da CEG.

MEDIDAS ANTE O CORONAVIRUS

Por outra banda, no encontro informativo deste mércores, e a preguntas dos xornalistas, os dirixentes da CEP referíronse a as “incertezas” ás que se enfronta nestes momentos o sector empresarial. Así, un dos vicepresidentes da organización e responsable da Cooperativa de Armadores, Javier Touza, apuntou a  tres problemas no horizonte económico: a guerra comercial entre Estados Unidos e China, as consecuencias do ‘brexit’ e os efectos do coronavirus.

Con respecto a esta última cuestión, Touza reclamou “medidas de continxencia a curto e medio prazo” porque os diferentes organismos xa cifran o impacto da epidemia en centos de miles de millóns de euros. A iso únese o feito de que países afectados, como Italia, están entre os principais destinatarios das exportacións da provincia.

Pola súa banda, Jorge Cebreiros advertiu de que o impacto do coronavirus no PIB chinés pode traducirse nunha baixada de entre 0,4 e 0,2 puntos no PIB español.

ÚLTIMAS

Caballero “tende a man” a Rueda e pide un encontro

O alcalde de Vigo, Abel Caballero, pediu un encontro co presidente da Xunta, Alfonso Rueda, para...

O CEO de Stellantis avisa dunha ballata “moi dura” coas marchas chinesas de vehículos

O conselleiro delegado (CEO) de Stellantis, Carlos Tavares, lanzou unha advertencia contra as autoridades...

O Concello media coa compañía eléctrica para que reactive a luz á familia do Calvario con dous fillos menores

Os servizos sociais do Concello de Vigo mediaron coa compañía eléctrica para solicitar a reactivación da...

Tanxugeiras interpretarán o himno galego no encontro da selección galega contra Panamá en Vigo

Tanxugueiras serán as encargadas de pór voz ao himno galego no regreso da Selección...