As empresas auxiliares prevén renovar o seu traballo nas bancadas do estaleiro vigués Barreras nun prazo de “7 ou 10 días”, no que tamén esperar cobrar a metade da débeda polo barco de Ritz Carlton, uns 12 millóns de euros, tal e como acordaran coa empresa.
Así o avanzou, en declaracións aos medios antes de participar nunha xornada sobre o ‘brexit’, o secretario xeral da Asociación de Industriais Metalúrxicos de Galicia (Asime), Enrique Mallón, quen explicou que as empresas auxiliares, unha vez coñecido que o xulgado do Mercantil homologou o plan de refinanciamento de Barreras, “están a planificar persoas e equipos” para retomar a actividade.
Mallón sinalou que estas empresas “queren volver inmediatamente” e están en permanente contacto co estaleiro para renovar os traballos do buque Evrima (para a navieIra de Rizt Carlton) e que poida ser entregado nuns 7 a 9 meses.
En paralelo a esta reactivación, as empresas “están a esperar o primeiro cobro, do 50 por cento da débeda” contraída por Barreras en relación a este barco, uns 12 millóns de euros, e esperan que o pago poida facerse efectivo tamén nestes días. “É un condicionante fundamental para que a industria auxiliar teña capacidade para contratar e afrontar gastos”, apostilou o secretario xeral de Asime.
