InicioSociedadeAs temperaturas máximas en Vigo poderían aumentar até case 6 ºC a...

As temperaturas máximas en Vigo poderían aumentar até case 6 ºC a finais deste século por mor do cambio climático

Tamén aumentarán as vagas de calor e os días de temperaturas extremas, segundo datos dun traballo científico.

PUBLICADO O

- Advertisement -

De 5 a 7 graos máis nas temperaturas máximas a finais do século XXI e máis días de calor extrema. Ese é o prognóstico que se fai para as principais cidades galegas no peor dos escenarios do cambio climático.

Os datos aparecen nun traballo asinado por investigadores do Laboratorio de Física Ambiental Ephyslab da Universidade de Vigo e do Grupo de Física Non Lineal da Universidade de Santiago de Compostela, tras analizar as variacións futuras na temperatura máxima nas sete principais cidades galegas: Vigo, Pontevedra, Santiago, A Coruña, Ferrol, Lugo e Ourense.

“Atopamos unha maior oscilación nos valores de tendencia e de desviación estándar en comparación co período histórico. O valor mínimo da tendencia futura da temperatura máxima é de 0,4 ºC/década na Coruña e o valor máximo é de 0,69 ºC/década en Santiago, polo que se pode apreciar unha diferenza relativamente significativa de case 0,3 ºC/década entre ambas cidades”, salientan os investigadores.

Tan só a cidade da Coruña queda claramente por debaixo do valor de 0,5 ºC/década, mentres que Ferrol, está xustamente no límite, con 0,49.

Ourense, cun incremento por década de 0,68 graos, sería a segunda urbe máis afectada, seguida por Pontevedra (0,62), Lugo (0,6) e Vigo (0,57).

“A temperatura máxima mantense nunha ascensión dos seus valores para as 7 principais cidades de maneira constante durante todo o intervalo temporal”, introducen os científicos, que engaden: “Vese que para finais de século está previsto que as medias anuais das temperaturas máximas exceda os 30 grados en Ourense, e os 28 grados en Vigo e Pontevedra, quedándose Santiago tamén preto dese valor. Na cidade da Coruña espéranse as máximas máis baixas para finais de século, con valores próximos ós 23 grados”.

A evolución interanual e a tendencia no número de eventos extremos futuros mostra que tamén aumentarán os días de calor extrema, con valores que oscilan entre 2,57 máis días/década en Ferrol e 4,14 en Ourense. En Pontevedra serán 3,72, en Vigo 3,58, na Coruña 3,28, en Lugo 2,9 e en Santiago 2,89.

MÁIS VAGAS DE CALOR

Os valores de tendencia do número de vagas de calor son semellantes para todas elas, coa excepción de Ferrol, que mostra un valor algo menor, cun aumento de 0,38 vagas/década.

Vigo e Ourense (0,53 ambas as dúas), son as urbes con maior posibilidade de sufrir vagas de calor ao longo do século, canda Pontevedra (0,52). Séguenas A Coruña (0,44), e Santiago e Lugo (0,41).

REPORTAXE COMPLETA EN GALICIA CONFIDENCIAL

ÚLTIMAS

Caballero “tende a man” a Rueda e pide un encontro

O alcalde de Vigo, Abel Caballero, pediu un encontro co presidente da Xunta, Alfonso Rueda, para...

O CEO de Stellantis avisa dunha ballata “moi dura” coas marchas chinesas de vehículos

O conselleiro delegado (CEO) de Stellantis, Carlos Tavares, lanzou unha advertencia contra as autoridades...

O Concello media coa compañía eléctrica para que reactive a luz á familia do Calvario con dous fillos menores

Os servizos sociais do Concello de Vigo mediaron coa compañía eléctrica para solicitar a reactivación da...

Tanxugeiras interpretarán o himno galego no encontro da selección galega contra Panamá en Vigo

Tanxugueiras serán as encargadas de pór voz ao himno galego no regreso da Selección...