InicioSociedadeA Comisaría de Vigo homenaxea os seus axentes xubilados no 196 aniversario...

A Comisaría de Vigo homenaxea os seus axentes xubilados no 196 aniversario da Policía

A delincuencia itinerante e a ciberdelincuencia, entre os retos de seguridade na cidade.

PUBLICADO O

- Advertisement -

A Comisaría da Policía Nacional de Vigo celebrou este venres o 196 aniversario deste corpo de seguridade cun acto no que se rendeu homenaxe a unha decena de axentes que se xubilaron o último ano, e no que tamén houbo palabras de recordo para a axente Vanesa Lage (falecida durante un atraco en 2014), e de recoñecemento para o axente ferido grave durante os pasados disturbios en Barcelona e para o funcionario que tamén resultou ferido durante unha intervención nun episodio de violencia machista en Vallecas hai uns días.

O acto contou coa presenza da comisaria provincial, Estíbaliz Palma; os alcaldes de Vigo e Redondela, Abel Caballero e Digna Rivas; a delegada da Xunta, Corina Porro; ou o comisario xefe de Vigo, José Luis de Luis; e estivo presidido pola subdelegada do Goberno na provincia de Pontevedra, Maica Larriba, quen agradeceu o labor deste corpo policial ao longo de toda a súa historia, e lembrou que son un “alicerce fundamental” na actual sociedade. “Sodes o reflexo dunha sociedade madura e democrática”, sinalou.

Larriba tivo palabras de recordo para os axentes falecidos en acto de servizo, entre eles as vítimas do terrorismo, ou a propia Vanesa Lage, que morreu polos disparos dun atracador en Vigo. “Está na nosa memoria e no noso corazón, e estamos na obrigación de lembrala ano a ano”, proclamou.

Finalmente, a subdelegada do Goberno recoñeceu que as condicións da Policía Nacional “foron díficiles” nos últimos anos e que os responsables do Executivo son “coñecedores” desta circunstancia. “Porase todo o empeño en mellorar a vosa situación”, prometeu.

RETOS DA SEGURIDADE EN VIGO

Pola súa banda, o comisario xefe de Vigo, José Luis de Luis Gallego, lembrou tamén durante a súa intervención a Vanesa Lage, e tivo palabras de recoñecemento para os axentes xubilados, que dedicaron a maior parte da súa vida ao servizo dos demais, “cumprindo con sacrificio e dedicación”.

Con respecto ao labor policial na cidade olívica, o comisario admitiu que os axentes están “moi atentos ao tráfico e consumo de drogas”, “especialmente preocupante” no caso da heroína. Así mesmo, sinalou como “outro dos retos” da Policía en Vigo a loita contra a delincuencia itinerante e a ciberdelincuencia.

ÚLTIMAS

O adestrador acusado de abusar dunha menor en Vigo alega que as relacións foron consentidas e ela tiña xa 16 anos

O adestrador de fútbol acusado de abusar sexualmente dunha xogadora menor de idade en...

Stellantis reacciona aos aranceis: parará a produción en Canadá e México e recortará 900 empregos en EEUU

O grupo automobilístico Stellantis paralizará a súa produción durante dúas semanas nunha das súas...

Caballero di que a Xunta “mente” sobre as obras na cidade: “o túnel de Elduayen está parado”

O alcalde de Vigo, Abel Caballero, e a Xunta de Galicia volveron a protagonizar...

Condenan a un home a 3 anos de cadea por agredir sexualmente a unha muller que se hospedaba na súa casa

A sección quinta da Audiencia Provincial de Pontevedra, con sede en Vigo, condenou a...