Axentes da Policía Local de Vigo cursaron varias denuncias contra un veciño da cidade, A.P.C., de 43 anos de idade, ao que sorprenderon conducindo un coche que non tiña seguro e coa ITV caducada, e co agravante de que el mesmo tiña o carné caducado desde facía dous anos.
Segundo informaron fontes policiais, efectivos da Unidade Executiva, encargada buscar e controlar vehículos embargados ou abandonados, localizou un coche que levaba varios días estacionado no mesmo sitio, e tiña signos de estar abandonado.
Os axentes puideron comprobar que o citado vehículo carecía de seguro obrigatorio desde facía 7 meses e tiña a ITV caducada desde facía algo máis dun ano. Por iso, procederon a iniciar os trámites para a súa retirada.
Tras realizar estas xestións administrativas, ao volver ao lugar para marcar o coche, atopáronse con que xa non estaba alí, senón que alguén o movera para estacionalo nas proximidades.
