InicioMovementos SociaisVeciños de Teis e Chapela reclaman ao novo Goberno que suprima "xa"...

Veciños de Teis e Chapela reclaman ao novo Goberno que suprima “xa” a peaxe da AP-9 en Rande-Redondela

Advirten que volverán ás mobilizacións se o novo goberno non cumpre.

PUBLICADO O

- Advertisement -

As asociacións de veciños de Teis (Vigo) e Chapela (Redondela) presentaron este luns por rexistro no edificio administrativo da Xunta unha solicitude de reunión co ministro de Transporte, Mobilidade e Axenda Urbana, José Luís Ábalos, ao que reclaman que se concrete “xa” unha data para a supresión da peaxe da AP-9 en Rande, así como a adopción doutras medidas de mellora na contorna da autoestrada ao seu paso por estas dúas parroquias.

O portavoz da Asociación de Veciños de Teis, Anxo Igrexas, subliñou que a supresión da peaxe nese tramo é unha reclamación “unánime” de toda a comarca e que, xa que dita medida está contemplada no acordo de investidura asinado entre PSOE e BNG, é momento de tomar esa “decisión política”. “Non queremos que quede só no papel”, incidiu, á vez que lembrou que manter o cobro nese tramo é “inxusto e discriminatorio” para os veciños de Teis e de Chapela.

Anxo Igrexas incidiu en que “a solución non é conxelar” a peaxe senón eliminalo, e engadiu que esa medida, unida á conversión da Ap-9 en tramo urbano desde as Torres de Padín cara ao centro de Vigo, “permitiría mellorar a mobilidade” nesas zonas, que actualmente deben soportar un gran volume de tráfico pesado.

Pola súa banda, o presidente da Asociación de Veciños de Chapela, Marcial Pérez, recalcou que, ademais da supresión da peaxe, esta parroquia leva dous anos esperando a que se executen obras de mellora e medidas contra a contaminación acústica, recollidas na ‘addenda’ relativa ao convenio asinado entre Audasa e o Goberno para a última ampliación da autoestrada.

Este dirixente veciñal advertiu de que, se non se executan esas medidas de inmediato, Teis e Chapela “volverán ás mobilizacións”, porque “tiveron tempo suficiente de facer estudos” e, aínda que “todos os políticos apoiaban facelas”, o certo é que “non as fixeron”.

ÚLTIMAS

A falta de visibilidade en Peinador obriga a regresar a Madrid a un avión con destino Vigo

A falta de visibilidade obrigou a regresar a Madrid ao piloto do voo de...

‘Romaría’: Carla Simón viaxa á ría de Vigo para reconstruír o pasado dos seus pais

A cidade de Vigo acolle este martes a preestrea do filme 'Romaría' (a estrea...

A Plataforma fronte á Masificación Turística pide unha moratoria de licenzas para VUT

A Plataforma fronte á Masificación Turística de Vigo e O Morrazo dirixiuse por carta...

O PP de Vigo pide a Caballero que deixe as “ambigüidades” sobre a biblioteca de Teis

O grupo municipal do PP no Concello de Vigo esixiu ao alcalde, Abel Caballero,...