InicioSociedadeA comisión de peticións do europarlamento recomenda admitir a denuncia de Marea...

A comisión de peticións do europarlamento recomenda admitir a denuncia de Marea de Vigo sobre a reforma en Gran Vía

As bases do programa de financiamento recollen que os proxectos deben contar coa participación dos cidadáns na súa fase de redacción, execución e seguimento, algo "inexistente actualmente".

PUBLICADO O

- Advertisement -

A presidencia do Comité de Peticións do Parlamento da UE resolveu recomendar a admisión da denuncia presentada por Marea de Vigo (a través do grupo confederal da Esquerda Unitaria Europea), sobre o uso de fondos DUSI na reforma da rúa Gran Vía da cidade olívica, unha obra que inclúe a talla de árbores.

Así o confirmou, a través dun comunicado, o propio grupo municipal, que lembrou que este grupo trasladou, a través da eurodeputada Sira Rego, preguntas e escritos “cuestionando” o uso de fondos europeos nesa obra, no que respecta á xustificación dese financiamento.

Segundo incidiu Marea de Vigo, as bases do programa de financiamento recollen que os proxectos deben contar coa participación dos cidadáns na súa fase de redacción, execución e seguimento, algo “inexistente actualmente”. Ademais, denunciaba que a reforma desa rúa, dentro do programa ‘Vigo Vertical’, inclúe a “talla masiva” de árbores.

Este grupo municipal sinalou que o proxecto inclúe un informe dun perito agrónomo que recomenda a talla total de 13 tilos e 41 castiñeiros por estar “enfermos”, aínda que “sen máis explicacións nin avaliación de posibles tratamentos fitosanitarios”.

Agora a presidencia da Comisión de Peticións recomendou que se declare admisible esa denuncia e que se pida información á Comisión sobre esa actuación. “De non oporse os deputados e deputadas da Comisión de Peticións, o trámite seguiría o seu curso no europarlamento“, matizou Marea de Vigo.

ÚLTIMAS

Inspección de Traballo investiga un accidente laboral en Stellantis Vigo no que unha operaria perdeu un pé

A Inspección de Traballo abriu unha investigación para coñecer as circunstancias dun accidente laboral ocorrido...

O adestrador acusado de abusar dunha menor en Vigo alega que as relacións foron consentidas e ela tiña xa 16 anos

O adestrador de fútbol acusado de abusar sexualmente dunha xogadora menor de idade en...

A Xunta di que investiu 375 millóns en Vigo e hai outros 70 “bloqueados” polo goberno local

A delegada da Xunta en Vigo, Ana Ortiz, defendeu este venres que o goberno...

Stellantis reacciona aos aranceis: parará a produción en Canadá e México e recortará 900 empregos en EEUU

O grupo automobilístico Stellantis paralizará a súa produción durante dúas semanas nunha das súas...