O incendio dun vehículo, ocorrido nunha vía pararela á que conecta a A-55 coa AP-9, causou fortes retencións de tráfico en Vigo este xoves pola mañá.

Segundo detallou o corpo de bombeiros da cidade olívica, os feitos ocorreron sobre as 9,00 horas, cando o turismo protagonizou unha saída de vía e comezou a arder ata quedar calcinado.

Por este motivo, os bombeiros desprazáronse ata a zona, onde comprobaron que o condutor non resultou ferido e que puido abandonar o automóbil por si só.

O suceso causou fortes retencións na vía ao sumarse a varios accidentes de circulación que tiveron lugar durante as primeiras horas da mañá na zona.