Dúas persoas resultaron feridas nun accidente de tráfico rexistrado na mañá de venres no túnel da Madroa en Vigo con tres coches implicados.

Segundo informou o 112 Galicia, o sinistro tivo lugar sobre as 8,30 horas deste venres no túnel da Madroa na autoestrada AP-9 ao seu paso por Teis.

Unha persoa particular avisou ao 112 Galicia do sinistro e indicou que un dos vehículos accidentados estaba no interior do túnel e que podía haber persoas feridas.

Ata o lugar desprazáronse, tras ser alertados polo 112 Galicia, Urxencias Sanitarias de Galicia-061 e axentes de Tráfico e da Policía Local. Así mesmo, foron informados os Bombeiros de Vigo, os membros de Protección Civil e o persoal de autoestradas da AP-9.