InicioEconomíaO orzamento municipal de Vigo para 2020 roldará os 267 millóns, 10...

O orzamento municipal de Vigo para 2020 roldará os 267 millóns, 10 máis ca no 2019

Caballero presume de que subirá salarios a funcionarios municipais o 1 de xaneiro, a diferenza da Xunta, que "non ten liquidez".

PUBLICADO O

- Advertisement -

O orzamento municipal de Vigo para 2020 roldará os 267 millóns de euros e debaterase en pleno, para a súa aprobación inicial, a mediados de novembro, segundo avanzou este mércores en rolda de prensa o alcalde da cidade, Abel Caballero.

O rexedor explicou que o borrador das contas do ano que vén reflicte unha contía de 267,7 millóns de euros, uns 10 millóns máis que en 2019, de modo que o orzamento do próximo ano volverá ser “o maior da historia da cidade”.

Segundo sinalou Caballero, o documento pasará este xoves á Intervención Municipal para a emisión do correspondente informe, e a aprobación inicial terá lugar nun pleno extraordinario o 14 de novembro. Así mesmo, o alcalde estimou que a aprobación definitiva das contas municipais poderá producirse en torno ao 23 de decembro.

Con este trámite, incidiu, “garántese” , entre outras cousas, que o próximo 1 de xaneiro os funcionarios municipais poderán cobrar os seus salarios coas subidas correspondentes.

CRÍTICAS Á XUNTA

A ese respecto, Abel Caballero quixo aproveitar a oportunidade para contrapor a actuación do Concello coa da Xunta. Así, recalcou que, mentres os traballadores públicos municipais poderán cobrar esas subidas salariais desde o 1 de xaneiro que vén, os funcionarios da Xunta non poderán facelo porque a administración autonómica “non ten liquidez”.

O alcalde fixo estas declaracións horas despois de que o goberno galego anunciase que reservará uns 90 millóns de euros do orzamento de 2020 para garantir a subida do 2,2 % nos soldos dos empregados públicos, unha medida condicionada a que o Estado habilite os pagos.

Segundo afirmou Caballero, a Xunta de Feijóo ten unhas “finanzas febles” e iso é “o que diferencia” a súa xestión municipal da actuación de Feijóo, que “non xestiona ben”.

Como exemplo, sinalou que o Concello de Vigo ten nestes momentos “débeda cero”, a pesar de que o propio Caballero herdou do goberno de Corina Porro unha débeda “de máis do 40 %”. No caso da Xunta, insistiu, Feijóo atopouse en 2009 cunha débeda de 4.859 millóns de euros, e elevouna ata os máis de 11.680 millóns da actualidade.

ÚLTIMAS

O buque vigués ‘Robin M. Lee’, ao rescate dos tripulantes do palangreiro en perigo nas Malvinas

Os 27 tripulantes do palangreiro 'Argos Georgia', que nas últimas horas solicitaba axuda a 170 millas...

Unha carpa situada nas inmediacións do centro comercial A Laxe acolle unha experiencia de realidade virtual para concienciar sobre a ciberseguridade

O Instituto Nacional de Ciberseguridade (Incibe) organiza esta semana en Vigo a exposición '#ExperienciaIncibe' de realidade...

Encontran o cadáver dun home dentro dun piso de Vigo despois da alerta dos veciños polo mal cheiro

Os servizos de emerxencia acharon o cadáver dun home nun piso de Vigo despois...

Case 1.300 empresas galegas logran algún dos 10 indicadores Ardán

Un total de 1.289 empresas galegas lograron algún dos 10 indicadores Ardán, co almacenista...