A Fundación Provincial Banco de Alimentos de Vigo repartiu máis de 1,08 millóns de quilos de comida durante o primeiro semestre deste ano entre unhas 25.000 persoas da provincia de Pontevedra.

Segundo recolleu a organización non lucrativa mediante un comunicado, na cifra de produtos entregados entre o 1 de xaneiro e o 30 de xuño de 2019 inclúese a achega realizada por parte do Fondo de Axuda Europea para os Máis Necesitados (FEAD).

En concreto, a cantidade de comida repartida durante o seis primeiros meses deste ano foi similar á do mesmo período do ano anterior, cando se entregaron 1,12 millóns de quilos de alimentos.

Ademais, durante o ano pasado, o Banco de Alimentos repartiu ao redor de 1,8 millóns de quilos de produtos mediante 150 colectivos sociais cos que traballa, o que permitiu cubrir o 35 por cento das necesidades dos beneficiarios da axuda.

A entidade renovou esta semana a súa actividade, que diminuíra o mes anterior, cando se dobrou a cantidade de comida entregada ás entidades para dar resposta ás necesidades dos colectivos sociais cos que se colabora. Así mesmo, a finais deste mes, o Banco de Alimentos levará a cabo a Operación Quilo co obxectivo de recoller produtos de primeira necesidade.