O número de pernoctacións rexistradas en establecementos hoteleiros de Vigo durante o mes de xullo creceu nun 10,26 por cento con respecto ao mesmo mes do ano pasado, alcanzando a cifra de 103.128, en “o mellor mes de xullo desde que existen rexistros no INE“.

Así o trasladou en rolda de prensa o alcalde, Abel Caballero, quen subliñou que, entre xaneiro e xullo deste ano, o número de pernoctacións creceu un 13,27 por cento, en comparación co primeiro semestre de 2018.

“Estamos a ter unha explosión de turismo en Vigo, batendo todas as marcas imaxinables”, proclamou o alcalde, e engadiu que o nivel de ocupación das habitacións en aloxamentos da cidade durante o mes de xullo foi de case o 82 por cento. “Isto é el no va más“, celebrou.

“E preparémonos, porque imos ter o mellor Nadal que poidamos imaxinar“, vaticinou o rexedor, quen esta semana xa confirmou as datas do aceso do Nadal (do 23 de novembro ao 11 de xaneiro) e a colocación dunha “noria xigantesca”.