InicioMedio Ambiente e PatrimonioO PP acusa a Caballero de rexeitar a candidatura de Illas Atlánticas...

O PP acusa a Caballero de rexeitar a candidatura de Illas Atlánticas “só porque a presentou a Xunta”

O portavoz do grupo, Alfonso Marnotes, incidiu en que Cíes é o "emblema" do Parque Nacional e que o rexedor "debería estar a liderar" esa candidatura.

PUBLICADO O

- Advertisement -

O grupo municipal do PP no Concello de Vigo acusou este mércores ao alcalde olívico, Abel Caballero, de pretender “cargarse” a candidatura de Cíes-Illas Atlánticas a Patrimonio da Humanidade “por unha única razón”, e é que está impulsada pola Xunta de Galicia.

Así o trasladou en rolda de prensa o portavoz do grupo, Alfonso Marnotes, quen incidiu en que Cíes é o “emblema” do Parque Nacional e que o rexedor “debería estar a liderar” esa candidatura, “tecendo alianzas” cos alcaldes do resto de illas do Parque e non “restando” e “destruíndo”.

Ademais, Marnotes lembrou que a extensión xeográfica do Parque Nacional foi acordada por unanimidade no Parlamento galego e que mesmo o propio Caballero, cando era deputado autonómico do PSdeG, se lamentou de que esa figura de protección non abarcase máis espazos, como as illas Sisargas, Lobeiras, a Costa da Vea, o complexo dunar de Corrubedo, etc. “O propio Abel Caballero dixo que era un parque ‘de mínimos’“, lembrou o portavoz do PP.

Por outra banda, o edil ‘popular’ insistiu en que a única candidatura presentada ante a Unesco é a impulsada pola Xunta, mentres que a proposta do Concello de Vigo (de declarar Patrimonio da Humanidade só ao arquipélago de Cíes) “é un ‘fake’, non hai nin un só papel”.

Alfonso Marnotes concluíu que “a Abel Caballero non lle importa nin as Cíes, nin a candidatura nin o Parque, só o seu enorme ‘ego’, porque se lle importase, estaría a liderar a candidatura de Cíes-Illas Atlánticas”.

Finalmente, e en alusión ás declaracións do alcalde sobre as verteduras no fondo mariño próximo a Sálvora, ou sobre a oposición dos veciños de Ons á candidatura da Xunta, Marnotes insistiu en que “non hai verteduras”, senón o depósito de áridos procedentes de “zonas limpas” e autorizados pola Xunta e polo Goberno central.

Así mesmo, sinalou que as queixas dos insulares de Ons teñen que ver coas restricións recollidas no Plan de Usos e Xestión do Parque, e non coa candidatura a Patrimonio da Humanidade. Ademais, pediu a Abel Caballero que explique a estes veciños (con quen se reúne este mércores) “que para el é un parque de mínimos, e que quería máis restricións”.

ÚLTIMAS

Un atuneiro dunha empresa viguesa, implicado nun naufraxio cun desaparecido nas Galápagos

O atuneiro 'Ría de Aldán', comprado o ano pasado pola viguesa Wofco, viuse implicado nun accidente...

Restablecen a circulación na ponte de Rande logo dun accidente múltiple que provocou retencións

A circulación na ponte de Rande quedou restablecida despois de algo máis dunha hora...

O AVE Vigo – Porto tardará 50 minutos, pero non se sabe cando estará operativo

Portugal prevé que a conexión en tren de Vigo ao Porto sexa de 50 minutos...

A Xunta intervirá Ambulancias del Atlántico con tres técnicos de Tragsa e xestionará a entrega de nóminas

Os sindicatos CIG, CC.OO. e USO informaron, nun comunicado conxunto, do achegamento de posturas...