O xefe dos morones e coñecido como “rei dos xitanos”, Sinaí Giménez, entrou a noite deste venres na prisión de Pereiro de Aguiar para cumprir a condena imposta polo Xulgado do Penal 3 de Vigo por ameazas contra outro clan xitano, o dos zamoranos, no mercadillo de Redondela en novembro de 2015, segundo informaron a Europa Press fontes da Delegación do Goberno.
A sentenza, de dous anos e nove meses e cárcere, foi ditada hai máis dun ano, pero os recursos frearan ata agora a execución da pena. O Goberno denegoulle o indulto e a maxistrada do Penal 3 de Vigo considera esgotada a vía xudicial. A xuíza ordenara o mércores que se non entraba voluntariamente nun centro penal no prazo de 48 horas ordenaríase a súa procura e detención para entrar en prisión.
