InicioSucesosDetido en Vigo un home por roubar unha furgoneta dun almacén, onde...

Detido en Vigo un home por roubar unha furgoneta dun almacén, onde tamén substraeu alimentos

O home foi sorprendido por operarios de limpeza viaria durmindo no vehículo e bloqueando unha rúa.

PUBLICADO O

- Advertisement -

Axentes da Policía Local de Vigo detiveron a un home de 34 anos de idade, I.L.F., como presunto autor dun roubo con forza, tras levar unha furgoneta dun almacén, onde tamén subtraeu auga, leite e refrescos.

Os feitos ocorreron á primeira hora deste xoves, cando a Policía recibiu un aviso do persoal de limpeza viaria, alertando da presenza dunha furgoneta bloqueando unha rúa, e en cuxo interior había un home durmindo. Cando os operarios de limpeza espertaron ao home para que retirase o vehículo, comprobaron que, ao iniciar a marcha, o condutor ía dando ‘bandazos’ e golpeando a furgoneta contra as paredes laterais da rúa.

Unha vez no lugar, os axentes do 092 observaron que da furgoneta apeouse un home que levaba dous ‘packs’ de botellas de auga, e que presentaba unha brecha na fronte, pola que sangraba de forma abundante. O sospeitoso relatou voluntariamente aos policías que ía comprar drogas, e que a ferida lla había causado un “colega”, que lle propinou un cabezazo. Así mesmo, recoñeceu que a furgoneta non era súa, aínda que non deu explicacións acerca de onde a sacou.

ROUBO NUN ALMACÉN

Ao comprobar que o vehículo pertence a unha empresa, a Policía púxose en contacto cos seus responsables, que confirmaron que podería ser subtraído dun dos seus almacéns. Axentes policiais desprazáronse ao almacén e alí comprobaron forzouse un cadeado dunha reixa para entrar e roubar a furgoneta, que se atopaba aberta e coas chaves na guantera. Ademais, o ladrón non só levou o vehículo, senón que cargou nel varios ‘packs’ de auga, refrescos e briks de leite que estaban no almacén.

Por estes feitos, foi detido o sospeitoso identificado pola Policía que, durante o traslado no vehículo policial a un centro médico, comezou a ameazar aos axentes e darse cabezazos contra o biombo de protección do coche.

ÚLTIMAS

Desconvocada a folga de persoal de ambulancias na área de Vigo

O persoal de ambulancias da 061 da área Vigo decidiu desconvocar a folga indefinida...

Encontro de amizade e cooperación entre Vigo e México

O alcalde de Vigo, Abel Caballero, reuniuse este venres co embaixador de México en...

As cidades deportivas do Celta son elixidas como subsedes do Mundial 2030, pero Balaídos non será unha das sedes

A Real Federación Española de Fútbol (RFEF) anunciou que o coruñés estadio Abanca Riazor será unha...

Cine Fraga, “o inicio da recuperación dun emblema cultural” de Vigo

O conselleiro delegado de Abanca, Francisco Botas; o presidente da Xunta, Alfonso Rueda, e...