InicioMedio Ambiente e PatrimonioAbel Caballero autotransfírese as competencias sobre o Lagares: "Gústelle ou non á...

Abel Caballero autotransfírese as competencias sobre o Lagares: “Gústelle ou non á Xunta, xa é noso”

O alcalde non aclara se houbo unha transferencia formal das competencias sobre o río, que ostenta a Demarcación Hidrográfica Galicia-Costa.

PUBLICADO O

O alcalde de Vigo e candidato do PSOE á reelección, Abel Caballero, autotransferiuse este mércores as competencias sobre o río Lagares, e sinalou que, unha vez que o Concello recibiu autorización para facer labores de limpeza e mantemento da parte urbana da canle, o río “xa é de Vigo”.

O alcalde tamén anunciou que o Concello fará eses labores de limpeza, un paseo, e nova iluminación. “Nun ano estará marabilloso para pasear, sen contaminación, limpo”, proclamou.

Cuestionado polos xornalistas acerca de se houbo unha transferencia formal das competencias sobre o Lagares (que ostenta a Demarcación Hidrográfica Galicia-Costa, a través de Augas de Galicia), Abel Caballero limitouse a asegurar: “Unha vez que temos autorización –para limpar– xa é noso, xa é de Vigo, quedámonolo. Gústelle ou non á Xunta, hoxe quedámonos o río Lagares enteiro, xa non pedimos máis permisos“.

“A partir de agora encárgome eu. Eu respondo do río Lagares. Que me dean un tempiño para polo como Deus manda”, dixo Caballero, quen cualificou o Lagares como un curso fluvial “máxico” e “milagreiro” porque “nunca se seca”.

O alcalde reclama desde hai tempo á Xunta que lle transfira as competencias sobre o río, alegando que o Goberno galego non se encarga de limpar as marxes. A administración autonómica lembrou ao rexedor e ao goberno local en varias ocasións que, segundo o Plan Hidrolóxico Nacional (e tal e como tamén se recolle na instrución que a Xunta publicou en xaneiro deste ano) corresponde aos concellos a limpeza das canles públicas que transcorren por zonas urbanas.

ÚLTIMAS

A Xunta pide ao Concello de Vigo “axilizar ao máximo” o seu informe sobre a PXOM

A Xunta de Galicia pediu ao Concello de Vigo que "emende os erros detectados"...

O Goberno traslada “tranquilidade” polo crime da maleta que, por agora, non se considera violencia de xénero

O subdelegado do Goberno en Pontevedra, Abel Losada, trasladou este luns unha "mensaxe de tranquilidade" sobre...

A CEG aborda con Caballero as necesidades de transporte de Vigo e insiste en pedir que o tren chegue ao porto de Bouzas

O presidente da Confederación de Empresarios de Galicia (CEG), Juan Manuel Vieites, reuniuse este luns co...

Trasladan ao hospital a unha octoxenaria con problemas respiratorios tras un incendio no portal dun edificio en Gran Vía

Unha muller de 82 anos de idade foi trasladada ao Hospital Álvaro Cunqueiro de...