O candidato do BNG á Alcaldía de Vigo, Xabier P. Igrexas, propuxo a creación dunha nova regulación de participación cidadá para que “non sexa unha opción” non atender as demandas de veciños e colectivos sociais.

O cabeza de lista nacionalista detallou que promoverá a creación de consellos veciñais e indicou que mellorará o funcionamento dos consellos sectoriais co obxectivo de que, a través deles, a cidadanía participe no deseño das políticas”, así como na súa avaliación e execución.

Ademais, pediu o voto para un proxecto que presenta “en positivo” para a urbe, así como co obxectivo de evitar que unha nova maioría absoluta do PSOE permita a esta formación gobernala “de costas á cidadanía” dun modo “autoritario”.

Así, asegurou que o BNG é a única formación que representa unha “alternativa real e centrada nos veciños” de Vigo.

Xabier P. Igrexas volveu insistir na necesidade de converter a Vigo nunha “cidade de iguais” destinada ao pobo e no “motor” de Galicia.