InicioSociedadeAnuncian reformas no Meixoeiro con fondos europeos días antes do inicio da...

Anuncian reformas no Meixoeiro con fondos europeos días antes do inicio da campaña para as municipais

Entre as próximas actuacións inclúese a reforma da envolvente térmica do Hospital Álvaro Cunqueiro, cuxa obra sairá a licitación durante os próximos días, para mellorar a cuberta, a fachada e os peches.

PUBLICADO O

- Advertisement -

O Hospital Meixoeiro de Vigo renovará 170 camas e 170 mesillas de noite cun investimento de 627.385 euros, unha actuación do Sergas que será cofinanciada nun 80 por cento con fondos europeos.

Segundo indicou a xerencia da Estrutura Organizativa de Xestión Integrada (EOXI) de Vigo nun comunicado, trátase de camas que, ao ser eléctricas e contar con maiores prestacións, son máis “manexables” para o persoal sanitario.

Na licitación, que se publicou este luns, tamén se contempla a adquisición de 25 camas, 25 mesillas e 25 cadeiras de brazos para o Hospital Álvaro Cunqueiro por un importe de 110.412 euros.

Así mesmo, entre as próximas actuacións inclúese a reforma da envolvente térmica do Hospital Álvaro Cunqueiro, cuxa obra sairá a licitación durante os próximos días, para mellorar a cuberta, a fachada e os peches.

Deste xeito, aspírase a mellorar a eficiencia enerxética do edificio de acordo coa normativa vixente, controlar o gasto enerxético e posibilitar a introdución de enerxías renovables e edificios sustentables.

ÚLTIMAS

O adestrador acusado de abusar dunha menor en Vigo alega que as relacións foron consentidas e ela tiña xa 16 anos

O adestrador de fútbol acusado de abusar sexualmente dunha xogadora menor de idade en...

A Xunta di que investiu 375 millóns en Vigo e hai outros 70 “bloqueados” polo goberno local

A delegada da Xunta en Vigo, Ana Ortiz, defendeu este venres que o goberno...

Stellantis reacciona aos aranceis: parará a produción en Canadá e México e recortará 900 empregos en EEUU

O grupo automobilístico Stellantis paralizará a súa produción durante dúas semanas nunha das súas...

Detido un mozo de 28 anos tras saltar unha orde de afastamento por segunda vez nunha semana

A Policía Local detivo por segunda vez nunha semana a un mozo, R.L.F.F. de...