O PSOE “puxo en coñecemento” da Xunta Electoral de zona a colocación de carteis de Cidadáns nos farois do centro de Vigo, así como propaganda de En Marea, vulnerando a ordenanza municipal sobre publicidade exterior.
Así o confirmou, en declaracións aos medios, o alcalde da cidade e presidente da agrupación socialista olívica, Abel Caballero, quen recalcou que, á marxe desa medida, a Concellaría de Seguridade pode instruír o correspondente expediente sancionador por vulneración da normativa local.
“Cren que en Vigo somos parvos, viñeron correndo a colocar carteis no centro, coma se o reservasen para eles”, ironizou Caballero.
O alcalde engadiu que, á marxe desta anécdota, o que lle realmente preocúpalle, no caso de Ciudadanos, é que é un partido que “se opón a que Vigo teña AVE”, igual que o PP, que “o tivo conxelado durante sete anos e tampouco o quere”.
