InicioPolíticaEn Marea organiza en Vigo unha convención aberta á cidadanía para que...

En Marea organiza en Vigo unha convención aberta á cidadanía para que aporte ideas ao seu programa

En Marea realizará este sábado en Vigo unha convención aberta para que calquera persoa que o desexe poida expor ideas e debater as propostas programáticas para Galicia, coa intención de que a cidadanía se involucre na elaboración do programa electoral para os próximos comicios xerais do 28 de abril.

PUBLICADO O

En Marea realizará este sábado en Vigo unha convención aberta para que calquera persoa que o desexe poida expor ideas e debater as propostas programáticas para Galicia, coa intención de que a cidadanía se involucre na elaboración do programa electoral para os próximos comicios xerais do 28 de abril.

Co lema ‘Decides ti! Unha marea de propostas’, a formación que lidera Luís Villares realizará desde as 10,00, no Hotel Coia, un encontro para “dar forma a un programa electoral aberto e participativo”, que recolla “as demandas da cidadanía” e que “realmente sexa capaz de atender ás necesidades de todas as galegas e galegos”.

Previa inscrición, os interesados poderán participar nun acto encamiñado a elaborar unha “proposta programática social, que amplíe dereitos e permita impulsar un territorio cohesionado e plenamente desenvolvido, capaz de ofrecer calidade de vida” tanto no ámbito rural como no urbano.

Tras a presentación da oferta electoral de En Marea, poranse en marcha catro espazos de traballo simultáneos, nos que os participantes abordarán cuestións relacionadas co Estado e os dereitos sociais; a defensa dos recursos e do ben común; a rexeneración democrática e as liberdades públicas; e a soberanía cidadá, plurinacional e o modelo de Estado e de política exterior.

Despois da primeira posta en común, arrincará unha segunda fase na que se abordarán as necesidades e solucións para cada unha do catro provincias galegas.

Un foro no que se analizará a situación, as carencias e as potencialidades das distintas zonas do territorio galego, no que os participantes poderán achegar as súas ideas programáticas para as diferentes circunscricións.

O ‘Encontro para unha Marea de Ilusión’ inclúe talleres para os activistas que participarán na próxima campaña electoral e concluirá cun debate conxunto no que se porán en común os distintos aspectos abordados ao longo da xornada.

ÚLTIMAS

Vigo rexistra as máximas choivas de España nunha semana na que os encoros galegos seguen ao 88%

A reserva dos encoros galegos mantense no 87,6%, cun total de 3.253 hectómetros cúbicos,...

Luz verde do Consello de Ministros á modificación que permite a conexión de moi alta tensión para Stellantis Vigo

O Consello de Ministros aprobou este martes a modificación puntual ao Plan de Desenvolvemento...

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

A CIG denuncia que Constellium Automotive está “a vulnerar o dereito á folga” ao contratar persoal externo

O sindicato CIG denunciou este martes que a dirección de Constellium Automotive, auxiliar de...