A Consellería de Medio, Territorio e Vivenda licitou os contratos de servizos para a redacción de tres proxectos de expropiación dos terreos necesarios para a ampliación de San Paio de Navia, en Vigo, onde se ampliará o parque de vivenda protexida.
Segundo precisou a Xunta nun comunicado, o importe destinado ás expropiacións ascende a case 80.000 euros. Ademais, levará a cabo un proxecto de expropiación para cada un do tres polígonos en que está dividida a ampliación e a data máxima de recepción de ofertas será o próximo 4 de abril.
Así mesmo, licitouse un contrato de servizo para realizar un estudo geotécnico para a redacción do proxecto de urbanización dos polígonos 1, 2 e 3 do Plan Parcial de San Paio de Navia.
A este fin adxudicouse un importe superior aos 31.000 euros e o prazo para poder presentar as ofertas finalizará o próximo día 15 de marzo.
