InicioMovementos SociaisCentos de persoas volven saír á rúa en Galicia para protestar a...

Centos de persoas volven saír á rúa en Galicia para protestar a sentenza da “Manada”

PUBLICADO O

- Advertisement -

Centos de persoas convocadas por colectivos feministas concentráronse na tarde deste venres en diferentes cidades galegas para protestar contra a sentenza que condena a cinco membros da ‘Manada’ por un delito de abuso e absólveos de agresión sexual.

Estas concentracións chegan após as mobilizacións celebradas a semana pasada, o mesmo día no que se deu a coñecer o fallo xudicial e tamén nas xornadas seguintes, que se celebraron en distintas localidades da xeografía española e galega, e chegaron a congregar a varios miles de persoas.

Este venres, despois da pancarta ‘A complicidade institucional é violencia criminal’, e ao ritmo de varios cubos que algunhas participantes usaron como tambores repetíronse algunhas de consignas máis usadas por mor deste caso: “Eu si te creo”, “Non é abuso, é violación” e “A manada somos todas contra toda agresión”.

Acto seguido, unha das portavoces leu un comunicado no que se fixo eco da “rabia e indignación colectiva” ante esta sentenza que entenden que serve para “perpetuar a dominación masculina en calquera espazo”.

Os xuíces deste caso, censurou, “fan que se condene por abusos a cinco tipos que o que fixeron foi violar” a unha muller entre todos. “Unha violación” que, agregou, únese ás que sufriron “innumerables mulleres”.

“O caso da ‘Manada’ é un de tantos, pero a rúa e a noite tamén son nosas e querémonos sentir libres”, incidiu, a colación do que proclamou que os colectivos feministas non pararán “ata que as mulleres sexan libres”.

ÚLTIMAS

Malvinas suspende o operativo de busca dos 4 desaparecidos debido ás condicións climáticas

O goberno das Malvinas emite un comunicado sinalando que suspenden temporalmente a busca dos...

Baiona convoca unha “concentración de homenaxe” polo falecemento de Santiago Leyenda no Argos Georgia

Declaracións do alcalde de Baiona, Jesús Almuiña, que convocou unha concentración hoxe ás oito...

O BNG de Vigo denuncia que Abel Caballero eliminou o acto do Día de Galicia de maneira “sectaria”

O BNG de Vigo denunciou que o alcalde, Abel Caballero, eliminase o acto institucional...

O Goberno enviará un avión militar “canto antes” para repatriar a tripulantes españois do ‘Argos Georgia’

O ministro de Asuntos Exteriores, Unión Europea e Cooperación, José Manuel Albares, anunciou que...