Unha fuga de gas nunha bombona foi a causa pola que os servizos de emerxencia tiveron que actuar na noite deste luns nunha vivenda na Rúa de Penis na parroquia de Cabral, no municipio de Vigo. Alí tiveron que rescatar a unha anciá con mobilidade reducida.
Segundo informou o 112, pasadas as 23,45 horas deste luns unha persoa chamou ao servizo de emerxencias para indicar que escoitaba un posible escape de gas.
Por iso, os xestores de emerxencias alertaron da situación aos Bombeiros de Vigo, aos axentes da Policía Local e aos voluntarios de Protección Civil. Do mesmo xeito informouse a empresa subministradora de gas.
Unha vez no lugar, o servizo de bombeiros indicaron que se trataba dunha fuga procedente dunha bombona de gas, polo que se procedeu a retirala e ventilar a vivenda. Ademais, solicitaron a intervención dos servizos sanitarios. Xa no punto, e asistida a muller, confirmaron que fora atendida no mesmos lugar e non precisou ser trasladada.
