InicioSociedadeUn profesor vigués quéixase ao Valedor do Pobo da norma de comunicarse...

Un profesor vigués quéixase ao Valedor do Pobo da norma de comunicarse en galego nos centros educativos

A Consellería de Educación, a través do xefe de servizo territorial de Inspección Educativa, lembrou a un profesor do Conservatorio de Vigo o deber de escribir as comunidades internas e externas en galego. O docente elevou a queixa ao Valedor do Pobo, cuxa titular, Milagros Otero, asinou a admisión a trámite do seu escrito.

PUBLICADO O

A Consellería de Educación, a través do xefe de servizo territorial de Inspección Educativa, lembrou a un profesor do Conservatorio de Vigo o deber de escribir as comunicacións internas e externas en galego. O docente elevou a queixa ao Valedor do Pobo, cuxa titular, Milagros Otero, asinou a admisión a trámite do seu escrito.

Os documentos das distintas denuncias e queixas do profesor foron difundidas pola Asociación Hablamos Español, na que agora se integra Galicia Bilingüe, unha entidade que foi especialmente belixerante contra a política lingüística do bipartito e que na precampaña das autonómicas de 2009 convocou unha manifestación por este motivo que recibiu o apoio do PPdeG coa participación do que era entón número dous de Alberto Núñez Feijóo no partido, Alfonso Rueda, entre outros cargos populares.

“As comunicacións internas e externas do centro educativo deberán realizarse en galego, especialmente as referidas a a documentación pedagóxica e administrativa que deban desenvolver efectos e que teñan como destinataria a propia administración educativa”, sinala a inspección educativa, nun escrito con data do 29 de maio de 2018, no que responde á queixa formulada polo profesor do Conservatorio de Vigo, que se remonta a novembro de 2017.

Ademais, nese escrito, apunta que, se por algunha circunstancia “excepcional e debidamente xustificada” houbese que empregar o castelán como lingua oficial, “deberíase realizar a tradución pertinente”.

Máis aló das cuestións de carácter xurídico e hermenéutico, apunta, lémbralle que “é necesario seguir as instrucións que no seu momento indicoulle o inspector do centro”. Nunha comunicación posterior, reiterou estas respostas, nas que tamén lle sinalaba que as comunicacións orais “teñen a mesma eficacia administrativa que as escritas”.

Nos meses anteriores, o inspector educativo, segundo explica a asociación e se recolle nos escritos de denuncia, manifestáralle que debía realizar as comunicacións en galego.

A valedora do Pobo remitiu o pasado 8 de outubro un escrito ao profesor no que lle comunicaba que admitía a trámite a queixa e na que lle informaba de que se puxeron en comunicación coa Consellería de Educación para que respondese o prazo de 15 días á súa petición de información.

Noutro escrito o 12 de decembro, a institución comisionada do Parlamento informou o profesor de que “a consellería persistía na súa actitude de non enviar a información requirida en relación coa súa queixa, a pesar de que lla demandaron en dúas ocasións”. No caso de que seguise sen resposta, o Valedor ameazou con enviar unha “advertencia” á consellería.

ÚLTIMAS

Buscan un home que convivía cunha muller nunha pensión da rúa Fragoso pola súa posible relación co crime da maleta

A Policía Nacional busca a un home que conviviu cunha muller nun piso de aluguer por...

BNG de Vigo denuncia que o goberno loca tramita “ás agachadas” o reequilibrio da concesión de bus

O grupo municipal do BNG no Concello de Vigo denunciou este mércores que o...

Descargan en Vigo os 200 quilos de coca do veleiro ‘Asshashio’ abordado no Atlántico

Funcionarios de Vixilancia Aduaneira, Garda Civil e Policía Nacional procederon este mércores á descarga dos 8 fardos,...

O CSIC inicia en Vigo unha investigación sobre o estado dos cabaliños de mar no litoral español

O Consello Superior de Investigacións Científicas (CSIC), a través do Instituto de Investigacións Mariñas...