InicioMedio Ambiente e PatrimonioA Plataforma en Defensa da Ría de Vigo denuncia que se seguen...

A Plataforma en Defensa da Ría de Vigo denuncia que se seguen producindo vertidos fecais

Advirte de que, a pesar da EDAR, prodúcense vertidos porque non hai unha correcta separación de augas pluviais e fecais.

PUBLICADO O

A Plataforma en Defensa da Ría de Vigo insistiu este martes en que o saneamento da baía é deficiente e que se seguen producindo vertidos porque non hai unha correcta separación das augas pluviais e fecais.

Así o trasladou o seu portavoz, Serxio Regueira, quen sinalou que esa denuncia é a que o colectivo trasladou á Comisión de Peticións do Parlamento Europeo, e que motivou a decisión de non pechar o expediente aberto pola falta de saneamento integral da ría.

Plataforma pola Defensa da Ría de Vigo/ Miguel Núñez

Regueira admitiu que a posta en marcha da EDAR do Lagares, aínda que con “moitos anos de atraso”, foi un avance, pero advertiu de que a infraestrutura non evita que, aínda a día de hoxe, se sigan producindo verteduras fecais polos colectores e aliviadoiros “non só do termo municipal de Vigo”, senón doutros municipios do litoral da ría viguesa.

“O problema é que o saneamento require un gran investimento, e é diñeiro que queda ‘baixo terra’, porque ese investimento non se ve. A administración non quere recoñecer o problema para non ter que darlle solución”, sentenciou.

“TIRÓN DE ORELLAS”

O portavoz da Plataforma expresou a súa esperanza de que a petición trasladada a Bruxelas, de manter aberto o expediente, sirva como “tirón de orellas” ás administracións española e galega, e para que se faga “un seguimento” do saneamento da ría.

A partir de agora, explicou, o comité de investigadores solicitará información das administracións, e tamén dos colectivos profesionais e sociais sobre a depuración e o saneamento.

Finalmente, incidiu en que o obxectivo das denuncias non é danar a imaxe do sector pesqueiro e marisqueiro, nin dos produtos que se extraen nestas actividades; “ao contrario”, precisou, “trátase de que as augas da ría estean limpas e o marisco sexa de calidade”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...