A Policía Local de Vigo denunciou a un mozo de 19 anos de idade por un suposto delito contra a seguridade viaria por conducir baixo os efectos de bebidas alcohólicas. Os feitos sucederon ás 2,45 horas da madrugada deste venres, cando a Policía interceptou ao condutor dun turismo da marca Kia CEDD durante un control de vehículos na Praza de Fernando o Católico.
O condutor, un home de 19 anos de idade, presentaba síntomas de atoparse baixo os efectos do consumo de bebidas alcohólicas, segundo o relato policial. Tras realizar as dúas probas preceptivas de determinación do grao de impregnación alcohólica, estas tiraron un resultado positivo de 0,88 mg/l de alcol por litro de aire expirado na primeira proba e 0,84 mg/l na segunda.
Polo tanto, o mozo quedou encartado en dilixencias xudiciais en calidade de investigado por un suposto delito contra a seguridade viaria.
SEN CARNÉ
Por outra banda, a Policía Local de Vigo denunciou a un home de 40 anos de idade, nacido en Vigo e domiciliado en Redondela (Pontevedra), por un suposto delito contra a seguridade viaria tras comprobar que conducía sen un permiso de circulación en regra.
