A Policía Local de Vigo detivo a K.K., home de 47 anos de idade nacido en Palestina e sen domicilio coñecido, por un suposto delito leve de furto.

Os feitos sucederon na madrugada do pasado domingo, sobre as 5,50 horas, cando uns axentes que patrullaban en funcións de prevención pola rúa Pontevedra foron requiridos por dúas mulleres ás que lles subtraeron as súas carteiras nunha discoteca nesa rúa.

As mozas, de 21 e 29 anos de idade, explicaron aos policías que se atopaban no establecemento coas súas carteiras no interior dos seus bolsos. Déronse conta que un home se achegaba a elas en actitude sospeitosa e pouco despois as súas carteiras xa non estaban.

Ambas sinalaron á o agora detido, que se atopaba a uns vinte metros camiñando en dirección oposta onde á discoteca. Os policías quixeron identificarlle pero o home non levaba documentación.

Ao realizarlle un cacheo preventivo, os axentes localizáronlle as carteiras descritas polas vítimas, as cales portaba no peto traseiro dereito do pantalón con documentación persoal a nome das requirentes e a contía de sesenta euros nunha e vinte noutra.

Os policías procederon á detención do home ao non dispor de documentación nin domicilio coñecido.