Dúas aeronaves tiveron que ser desviadas do aeroporto da Coruña ao de Vigo debido, segundo Aena, a “causas meteorolóxicas”, despois de que na zona se rexistrase unha forte néboa. En concreto, foron desviados a Vigo un voo de Vueling procedente de Barcelona (7.40 horas) e un voo de Iberia procedente de Madrid (8.40 horas), ambos con destino á Coruña.

Un voo de Air Europa procedente de Madrid e con destino á Coruña (7.50 horas) regresou á orixe. O voo que realizaba despois ese avión (A Coruña-Madrid) foi cancelado.