O alcalde de Vigo, Abel Caballero, informou de que a xunta de goberno local deste venres adxudicou o contrato do servizo de ambulancias para o nadal do próximos tres anos por un importe duns 167.000 euros. Nun audio enviado aos medios de comunicación, o rexedor indicou que este total se repartirá nuns 70.000 euros estas próximas festas, en 2027 serán uns 84.000 euros e no 2028 uns 13.000 euros. “Estamos xa facendo a montaxe do Nadal e os contratos que hai que facer para cada unha das necesidades e esta vez xa foi o das ambulancias”, reivindicou Caballero.