A segunda edición do Galicia Fest, que terá lugar no peirao de Trasatlánticos de Vigo os días 26 e 27 de xuño, quenta motores cunha festa de presentación de Miriam Rodríguez este domingo no Centro Comercial Vialia.

O evento inicia así a conta atrás e, como preludio, celebra o domingo unha festa coa actuación en directo de Miriam Rodríguez e cunha sesión DJ a partir das 19.00 horas. Durante a festa, concibida como un adianto do festival, ademais de música, haberá sorteo de agasallos, como cartóns regalo, termos, totebags e ‘merchandising’ do Galicia Fest.

A cita musical de xuño, enmarcada nos concertos do Xacobeo, reunirá en Vigo unha ampla variedade de artistas como Coti, Maryland, Miriam Rodríguez, Pablo Lesuit, Sabela, Álvaro de Luna, Juan Magán, Lori Meyers, Taburete, Carla Lourdes, Fredi Leis, Marlena e Vera Fauna. Tamén contará co espectáculo de La Reina del Flow.