A conselleira de Vivenda e Planificación de Infraestruturas, María Martínez Allegue, entregou este martes unha nova vivenda de protección autonómica rehabilitada polo Consorcio Casco Vello de Vigo. Trátase dun fogar situado na rúa Hortas que foi entregado a unha parella da cidade, destacando Allegue a importancia de rehabilitar inmobles para darlles unha nova vida.

Respecto diso, reivindicou o labor do Consorcio na compra e a rehabilitación de edificios. “Neste Consorcio vese esa necesaria colaboración entre administracións”, indicou, lembrando que a entidade está participada nun 90% pola Xunta e un 10% polo Concello olívico.

Nun comunicado, o Goberno galego suliñou que desde a súa creación fai 20 anos, o Consorcio adquiriu 93 inmobles no Casco Vello, dos que 79 deles xa están rehabilitados e deron lugar a 140 vivendas e 36 locais, cun investimento de máis de 30 millóns de euros.