Unha condutora resultou ferida na tarde deste luns tras saírse da vía na VG-20 ao seu paso pola parroquia viguesa de Bembrive. Segundo fontes do 112, tívose constancia do sinistro sobre as 16:40 horas na devandita vía en dirección Navia.

A muller resultou ferida nunha man tras saírse da vía e impactar contra a medianeira. O seu coche quedou no medio do carril dereito, obstaculizando o tráfico e xerando retencións na zona.