O Concello de Vigo investirá 2,5 millóns de euros en mellorar o asfaltado de 40 vías municipais, segundo informou o alcalde, Abel Caballero, nun audio enviado aos medios de comunicación.

O rexedor subliñou que este luns a xunta de goberno local deu o visto e prace aos proxectos, polo que agora levará a cabo a licitación, esperando que o inicio das obras poida realizarse a finais de verán, con catro meses de execución dos traballos.

Segundo dixo, estas melloras afectarán a “moitas vías” do centro urbano de Vigo, mellorando e reformando unhas 40 rúas, incluíndo Pizarro, Martín Echegaray, Paraguai, Santander, Zaragoza, Chile, A Estrada ou Vázquez Varela, entre moitas outras.