Dúas persoas foron detidas este sábado por un delito de atentado contra a autoridade na rúa Joaquín Loriga, en plena zona de lecer. Segundo confirmaron fontes da policía local da cidade olívica, ao redor das 6.50 horas da mañá, dúas persoas foron sorprendidas ouriñando nun portal. Os axentes chamáronlles a atención e un deles saíu correndo.
Segundo relataron, un dos policías foi detrás del e ao alcanzalo este fixo simulacro de botar a man ás costas. Acto seguido, caéuselle un coitelo de caza co seu correspondente funda. Ata alí chegou o outro detido xunto co segundo policía, comezando un intenso forzarallo, ata que chegaron os reforzos da policía local. A un dos axentes saíulle o ombreiro, polo que tivo que ir ao hospital. Finalmente, foron detidos por un delito de atentado contra a autoridade.
