A Policía Local de Vigo cortou á circulación un tramo da rúa Santa Tegra, no barrio de Teis, debido ao risco de derrube dunha fachada, segundo confirmaron fontes do Concello. O edificio afectado, de baixo e primeiro piso, sitúase no número 49 da rúa, e presenta a fachada desprazada debido á afectación por unhas obras próximas. Ata o punto desprazáronse ao mediodía deste luns efectivos de bombeiros de Vigo, para verificar a estabilidade e seguridade estrutural do inmoble.

Para garantir a seguridade, estableceuse un perímetro de seguridade con valos, e cortouse o tráfico rodado no tramo de rúa afectado, ademais de sinalizar e asegurar a zona. Fontes municipais trasladaron que xa existe unha empresa contratada para a demolición do inmoble, unha demolición que é “inminente“. Con todo, persoal do servizo de Urbanismo desprazarase á zona “o máis axiña posible” para realizar unha nova inspección.