O dúo vigués Fillas de Cassandra anunciou que neste 2026 o grupo lanzará o seu segundo disco, que se chamará ‘Tertúlia’ e que sairá na primavera. No álbum, producido por Çantamarta e polas propias Sara Faro e María SOA, as artistas lanzan unha invitación “a desobedecer”. Nun contexto marcado pola fragmentación da comunidade, sentar a falar e a escoitar convértese nun xesto político, reivindican as integrantes da formación.

Deste xeito, ‘Tertúlia’ contará con conversacións, chamadas, pensamentos en voz alta, cortes, repeticións e voces que se sobrepoñen nunha proposta que, segundo prometen, incluirá tamén moitas risas. O novo traballo contará con destacadas colaboracións nunha aposta arriscada e incisiva coa que Fillas de Cassandra amplía o seu universo instrumental.

O primeiro avance do disco poderase escoitar a partir do 30 de xaneiro nas principais plataformas dixitais. O sinxelo acompañarase dun videoclip rodado en Vigo, dirixido por Santi Igrexas, Sergio ‘Steel’ e as propias Fillas de Cassandra.