O alcalde de Vigo, Abel Caballero, anunciou que o goberno local iniciará o proceso de aprobación dunha ordenanza municipal para regular as vivendas de uso turístico cunha consulta cidadá durante 20 días para coñecer as ideas dos vigueses.

A partir de aí, segundo dixo, comezarase a elaborar o anteproxecto, que terá que ser aprobado no pleno municipal.

A iniciativa busca, segundo dixo, garantir a convivencia de usos tanto residenciais como turísticos das vivendas, polo que é necesario unha normativa “clara e segura” para que non haxa “conflitos de legalidade”.