Ante a alerta da Dirección Xeral de Emerxencias e Interior sobre fenómeno meteorolóxico adverso nivel LARANXA (Boletín 90/71GAL ampliación) por ventos costeiros S/SW con forza 8, e previsión de afectación ás Rías Baixs a partir das primeiras horas da madrugada do 24 de novembro, o Concello de Vigo acordou adoptar as seguintes medidas de protección civil.

• Suspénder as actividades recreativas de iniciativa pública (ante o temporal) ao aire libre: A nora suspende a súa actividade desde as 21:00 horas de hoxe ata as 17:00 horas do luns, 25 de novembro.
• Suspéndense as visitas á árbore de Nadal da Porta do Sol o domingo 24 de novembro. Quedará restrinxida así mesmo a circulación peonil no ámbito da árbore de Nadal en cumprimento do protocolo de seguridade da súa instalación.
• As zonas verdes permanecerán pechadas desde as 19:00 horas de hoxe ata a comunicación de finalización do fenómeno meteorolóxico adverso.
• Recoméndase a completa retirada da vía pública de todas as instalacións das terrazas de hostalería durante toda a duración do fenómeno meteorolóxico adverso.
• Recórdase a necesidade de asegurar as portas, fiestras, toldos e calquera elemento susceptible de causar danos propios ou a terceiros.
• Recórdase a conveniencia de circular con atención respecto de elementos mobles ou inmobles susceptibles de causar danos (muros ou edificacións en mal estado), e prestar especial atención ás persoas maiores, aos nenos e ás persoas con discapacidade