Un home, J.C.B.P. de 77 anos de idade, foi detido na tarde deste pasado martes en Vigo tras supostamente agredir á súa filla e ameazar gravemente á súa muller.

Tal como informa a Policía Local, os feitos ocorreron minutos antes das 17.00 horas nunha vivenda situada na rúa Martínez Garrido.

Unha vez no punto, os axentes atopáronse a unha moza en “elevado estado de ansiedade”, a cal manifestou que fora golpeada polo seu pai, sinalando unha dor na zona das costelas.

No piso tamén estaba a súa nai, quen ratificou as declaracións da súa filla e asegurou que o seu esposo a insultou e ameazado gravemente.

Por iso, o home, que estaba a realizar as maletas coa intención de abandonar o domicilio familiar, foi detido como presunto autor dun delito de violencia no ámbito familiar e outro de violencia de xénero.

Así, foi trasladado a dependencias policiais, “mostrando unha conduta violenta cos actuantes”. Pola súa banda, as dúas mulleres foron atendidas polo persoal sanitario dunha ambulancia do servizo 061 que se personó no domicilio.