A Garda Civil de Pontevedra interceptou a un ciclista en Vigo que circulaba con síntomas evidentes de estar ebrio e que, ademais, sufriu unha caída na PO-552.

Os feitos producíronse na denominada rotonda da Xurela, en Vigo, cando o usuario da bicicleta sufriu unha caída que lle causou varias erosións. Foi necesaria a presenza dunha ambulancia.

Os axentes do Destacamento da Garda Civil de Tráfico do Porriño, ao identificar o condutor da bicicleta, observaron que este presenta síntomas de conducir baixo a influencia de bebidas alcohólicas e que era incapaz de manterse en pé.

Realizadas probas de alcol e drogas, deu un resultado positivo en alcol de 0,97 e 1,02 mgr/l. A infracción por conducir con presenza de alcol no organismo implicaría para o investigado unha sanción económica de 1.000 euros.