O proxecto ‘Máscaras do Mundo’, do escultor Xusto Gude Méndez, é o gañador da primeira edición do Premio Talento Eurorrexión 2024, organizado pola AECT Galicia-Norte de Portugal.
Tal como informou a AECT nun comunicado, o xurado concedeu o premio por unanimidade entre as 18 propostas recibidas, de candidatos dun lado e do outro da fronteira.
“Máscaras do mundo’ é unha viaxe completa polas diferentes máscaras que hai ao longo e ancho da paisaxe ourensá”, indicou o xurado na súa acta sobre a obra de Xusto Gude, artista de Xinzo de Limia (Ourense) de 61 anos.
Por iso, o gañador recibirá unha escultura creada para a ocasión pola prestixiosa artista galega CH Sueiro, que será entregada o próximo 20 de xullo ás 17.00 horas, coincidindo co Festival Ikfem na antiga ponte internacional sobre o río Miño.
