Un home, R.C.H. de 57 anos de idade, foi detido na mañá deste pasado domingo en Vigo tras supostamente saltarse unha orde de afastamento vixente sobre outro home. al como informou a Policía Local, os feitos ocorreron sobre as 12.00 horas na alameda de Bouzas, cando a vítima se cruzou co agora detido.

Nun primeiro momento, segundo explicou aos axentes, tentou evadirse da presenza deste home, comezando o individuo a insultalo e a seguilo pola rúa, polo que deu aviso ás forzas da orde.

Unha vez no punto, os funcionarios comprobaron que a orde de afastamento continuaba en vigor, sendo detido o home, que continuou proferindo insultos cara ao requiriente do servizo en presenza dos actuantes.