InicioVigo e contornaVigoAmeaza de folga dos traballadores de ambulancias se a Xunta non intervén...

Ameaza de folga dos traballadores de ambulancias se a Xunta non intervén o servizo a semana que vén

Os sindicatos lembraron que este conflito non se limita ao servizo urxente, instando a unha reunión coa representación do servizo programado, dado que a licitación quedou deserta o pasado día 31, polo que seguirá sendo prestado o servizo por Ambulancias do Atlántico

PUBLICADO O

- Advertisement -

Traballadores do servizo de transporte sanitario urxente de Vigo ameazaron cunha nova folga se a Xunta non intervén ditas ambulancias a semana que vén.

Nun comunicado conxunto, as organizacións sindicais CIG, USO e Comisións Obreiras (CC.OO.) denunciaron que a Consellería de Sanidade “incumpriu” o seu compromiso de intervir publicamente Ambulancias do Atlántico.

Despois de manter un encontro con representantes de Sanidade e do 061 o pasado luns, os sindicatos acusaron á Administración de non cumprir os seus compromisos recolleitos por escrito na anterior reunión, “posto que o persoal técnico de Tragsa (empresa designada por Sanidade para a intervención da compañía) non comezou o seu traballo e a persoa designada como interlocutor de Ambulancias do Atlántico desapareceu sen previo aviso, tal e como fixeron os seus antecesores no cargo”.

“Proba disto é que para poder cobrar as nóminas de abril, tivo que ser o persoal da oficina recentemente incorporado o que se encargase de facer o traballo comprometido pola Xunta. Ademais, a Consellería permitiu que no abono das nóminas de maio, a actual dirección da empresa non incluíse o cálculo de conceptos variables dos últimos 10 días do mes. Este feito incrementa máis as débedas co persoal”, criticaron os sindicatos.

Ante esta situación, a Consellería “non tivo máis remedio que recoñecer os feitos denunciados” e manifestou que “o contrato coa empresa Tragsa para intervir publicamente Ambulancias do Atlántico non está aínda formalizado”.

Por todo iso, CIG, USO e CC.OO. indicaron que a paciencia dos traballadores “acabouse” e de non iniciarse a intervención pública a semana que vén, reactivarase o conflito “coa máxima dureza posible”, mesmo chegando a convocar unha folga, aínda que a situación afecte á nova adxudicataria do servizo urxente Saluser.

As esixencias inclúen o inicio do traballo do persoal técnico de Tragsa, establecer un sistema de traballo e comunicación coa representación legal dos traballadores e a entrega de nóminas de 2023 e 2024 na primeira reunión con Tragsa, así como o cálculo dos atrasos.

Entre outros datos, a Administración confirmou que incrementou en máis de 700.000 euros o importe da licitación de emerxencia con respecto ao anterior concurso público ordinario. Así, incluíuse no primeiro mes a cantidade íntegra necesaria para facer fronte á paga de regularización aos empregados.

Os sindicatos lembraron que este conflito non se limita ao servizo urxente, instando a unha reunión coa representación do servizo programado, dado que a licitación quedou deserta o pasado día 31, polo que seguirá sendo prestado o servizo por Ambulancias do Atlántico.

ÚLTIMAS

Investigadas 10 persoas por un delito de falsidade documental en Pontevedra

A Garda Civil investiga a un total de 10 persoas como presuntos autores dun...

Arden cinco gabarras na zona industrial de Saxamonde en Redondela

Por fortuna, aínda que o lume estivo preto dunha nave industrial, esta non se...

Transportes prepara a licitación do tramo de AVE O Porriño-Tui e declara “prioritaria” a saída Sur de Vigo

O Ministerio de Transportes e Mobilidade Sustentable avanzou que está "a traballar na preparación...

A UVigo presenta o seu proxecto de metaverso para os seus tres campus

A Facultade de Comunicación do Campus de Pontevedra acolleu este martes a presentación do...