O alcalde de Vigo, Abel Caballero, anunciou que o Concello licitará un estudo para coñecer se hai zonas con aluguer tensionado na cidade.

“Vigo, con este informe xa encargado, velará para que haxa prezos accesibles para os mozos e para as persoas vulnerables”, reivindicou Caballero, nun audio difundido aos medios de comunicación.

O rexedor aproveitou para volver cargar contra a Xunta de Galicia, dicindo que “non se fai cargo da situación”, a pesar de que é o Goberno galego quen teñen as competencias en materia de vivenda.

HOSPITAL A BORDO

Por outra banda, Abel Caballero este martes visitou o Hospital Vithas Vigo, onde a dirección do centro fíxolle un simulacro do servizo de “hospital a bordo”, que xa está operativo para unha trintena de embarcacións.

Con esta ferramenta, as tripulacións que faenan en alto mar teñen ao seu alcance un servizo de urxencias xerais e con especialistas médicos, así como consultas e mesmo seguimento de pacientes con hospitalización a bordo.