Sorpaso do BNG en Vigo . O PP perde a hexemonía de voto nas autonómicas e o PSdeG queda relegado ao terceiro posto cunha perda do 11,9% dos votos fronte a un BNG á alza que conseguiu fidelizar a un 13,6% máis de electorado chegando a máis de 55.900 votos (98,4% escrutado)  fronte a un PSdeG en recesión que alcanza os 30.300 votos, sendo incluso a terceira forza máis votada por detrás do Partido Popular que sube un 2,7% con 53.308 votos.

En Redondela (94% escrutado) viviuse unha situación similar onde o BNG pasa a ser a forza máis votada co 40% dos votos e un incremento do 11,7 % fronte ao descenso do PSdeG PSOE que perde case o 11% do seu electorado.

A este cambio de voto na ría de Vigo lle segue Moaña. Os do Morrazo mudaron tamén a súa preferencia de voto para apoiar o partido de Ana Pontón co 46% dos votos fronte a un PP que perde apenas o 0,6% pero un PSOE en terceira posición que perde un 7%.

Cangas (100% escrutado) é o cuarto concello da provincia de Pontevedra que muda a súa preferencia de voto e onde o BNG fagocita o 46% do voto fronte  un PP que recupera un 2,7% e un PSOE que deixa atrás o 8,2% do seu electorado.

O cuarto concello que mudou o seu voto respecto a 2020 foi Fornelos de Montes onde o PP pasou a ser a forma máis votada recuperando 3 4% ante o retroceso do PSOE que pasou ao segundo posto perdendo o 9,5% dos apoios. O BNG recupera o 5,4% dos votos neste municipio sendo a terceira forza.