InicioPolítica18F.- Pontón pon Vigo como "exemplo do potencial" para aplicar o seu...

18F.- Pontón pon Vigo como “exemplo do potencial” para aplicar o seu plan de reindustrialización de Galicia

Sinalou a cidade e a súa área son exemplo do potencial de Galicia en ámbitos como a automoción, a construción naval e a cadea mar-industria

PUBLICADO O

- Advertisement -

A candidata do BNG á presidencia da Xunta, Ana Pontón, situou este venres á cidade de Vigo e a súa área como exemplo do “potencial” de crecemento da economía galega, para aplicar o seu anunciado plan de reindustrialización para Galicia, que pretende incrementar en 8 puntos o peso da industria no PIB e xerar 12.000 novos empregos.

En declaracións aos medios antes de participar nun xantar organizado polo Círculo de Empresarios de Galicia, en Vigo, Ana Pontón reiterou a “aposta clara” do BNG por reindustrializar o país e impulsar “grandes transformacións” nese ámbito.

Por outra banda, reiterou a súa proposta de impulsar un pacto galego pola ciencia e a innovación, para dedicar a este ámbito o 3 % no horizonte de 2030. “Temos que pór en marcha un gran acordo de país que implique a Xunta, universidades, e sectores económicos, para ter unha economía máis centrada no coñecemento e non competir en precariedade”, proclamou.

Segundo sinalou, a cidade de Vigo e a súa área son exemplo do potencial de Galicia en ámbitos como a automoción, a construción naval e a cadea mar-industria; e engadido que existen tamén outros sectores emerxentes nos que a Comunidade pode ter capacidade de crecemento industrial e tecnolóxico, como a bioeconomía, a Intelixencia Artificial ou as cadeas de valor asociadas a materias primas, como o caso do sector forestal.

No caso da cidade olívica, apostou por “acabar coa confrontación estéril” e apostar por unha “cooperación útil”. “Quero ser unha presidenta que traballe por Vigo, que sexa aliada da cidade, e que poña en marcha grandes transformacións que a industria necesita para competir”, asegurou.

Así, defendeu reclamar a conexión por AVE entre Vigo, O Porto e Lisboa “en tempo e forma”, mellorar a dotación de chan industrial, apostar por infraestruturas para captar investimentos e seguir loitando por unha AP-9 galega e libre de peaxes, porque a autoestrada, actualmente, “penaliza” o desenvolvemento económico desta área.

ÚLTIMAS

Hosteleiro libanés de Vigo expulsa un grupo de turistas israelís por mal comportamento no seu restaurante

Un hosteleiro libanés que rexenta un restaurante en Vigo expulsou a un grupo de...

Vigo anuncia que inicia os trámites para unha ordenanza sobre vivendas de uso turístico

O alcalde de Vigo, Abel Caballero, anunciou que o Concello iniciou a tramitación dunha...

OPINIÓN.- Unha cidade para quen a fixo grande

O Partido Popular de Vigo vén de propoñer que a antiga estación de autobuses...

Stellantis fai a última porposta para pagar a prima variable cun novo marco regulador

A dirección de Stellantis Vigo trasladou este xoves a sindicatos a súa última proposta...