InicioSociedadeO goberno de Vigo admite que a montaxe dalgunhas instalacións do Nadal...

O goberno de Vigo admite que a montaxe dalgunhas instalacións do Nadal non ten permiso, a dous días do aceso

Carpas de Areal e maquinaria foron precintadas pola Policía Local

PUBLICADO O

- Advertisement -

O Concello de Vigo recoñeceu que a colocación dalgunhas instalacións do Nadal non ten aínda permiso, a pesar de que quedan dous días para o aceso das luces da cidade, que levará a cabo o vindeiro venres, 24 de novembro, a partir das 20,00 horas.

Nun comunicado, o goberno vigués admitiu que están precintadas pola Policía Local as carpas situadas nos xardíns Eugenio González de Fai, en Areal, onde se situará a exposición Dinoworld. Todo iso porque aínda está en tramitación a autorización de ocupación da vía pública. “Unha vez recibida, levantarase o precinto para poder proseguir a montaxe”, engadiron desde o Concello.

Ademais, tamén certa maquinaria utilizada para a montaxe do mercado de Nadal ‘Cíes Market’, que se levanta en Praza de Compostela, tamén está precintada, á espera de que os responsables presenten a documentación pertinente para poder ser utilizada. A pesar disto, o goberno local destacou que dito mercadillo continúa en construción sen as máquinas paradas, xa que conta coa autorización necesaria.

“O ‘Cíes Market’ dispón da pertinente autorización municipal para realizar a montaxe e, unha vez concluído, deberá presentar a documentación necesaria para a súa posta en marcha e así obter a licenza de actividade, tal e como procede nestes casos”, sentenciou o Concello.

DENUNCIAS

Todo iso despois de que hai semanas a asociación de Veciños Zona Centro de Vigo denunciase que se iniciou a montaxe de instalacións do Nadal sen a pertinente licencia ou autorización municipal. A propia administración municipal confirmoulles que, ata o 2 de novembro, non se concluíron os expedientes de tramitación da prórroga do contrato para a celebración do ‘Cíes Market’, a pesar de que xa se estaba montando.

Por iso, os veciños cargaron contra a “maneira de actual do Concello”, despois de que o responsable da montaxe asegurase a axentes da Policía Local que tiñan autorización verbal para o mesmo por parte do Concello, xa que aínda non se tramitou o contrato.

ÚLTIMAS

O Concello de Vigo pide explicacións á RFEF sobre os criterios de selección das sedes do Mundial 2030

O Concello de Vigo remitiu unha carta á Real Federación Española de Fútbol (RFEF)...

Emerxencia na AP-9: unha muller hospitalizada tras sufrir un accidente en Trasmañó

Unha muller, de 44 anos e con iniciais C.A.E., resultou ferida de gravidade tras saírse da...

Desconvocada a folga de persoal de ambulancias na área de Vigo

O persoal de ambulancias da 061 da área Vigo decidiu desconvocar a folga indefinida...

Encontro de amizade e cooperación entre Vigo e México

O alcalde de Vigo, Abel Caballero, reuniuse este venres co embaixador de México en...