A delegada territorial da Xunta en Vigo, Ana Ortiz, anunciou a firma do contrato do proxecto para construír o novo Centro de Asociacionismo de Vigo no antigo edificio dos xulgados da rúa Lalín.
Será o arquitecto vigués Alfonso Penela o encargado da reforma do inmoble, que se converterá na casa de diferentes asociacións olívicas. Unicado no barrio das Travesas, o edificio será rehabilitado cun investimento autonómico duns 12,1 millóns de euros.
O proxecto reutilizará o 95% da estrutura xa existente e dotará ao edificio de 134 dependencias e dun auditorio con aforamento para 400 persoas. Tamén levará a cabo a apertura de ágoras centrais cada dúas plantas cun hall para actos.
“Estamos ante un exemplo de actuacións que verdadeiramente fan cidade e recuperan o noso patrimonio, sempre establecemento liñas de colaboración cos actores sociais e outras administracións e entidades públicas coa finalidade de repercutir o seu uso para a cidadanía”, indicou Ortiz.
Ela explicou que se habilitarán locais na planta baixa e na primeira e quinta e que os traballos poderían estenderse a outro tres plantas (dous sotos e o semisoto) que na actualidade destínanse a aparcadoiro e zona de arquivos.
O cronograma da rehabilitación marca decembro como data límite para recibir o anteproxecto e xaneiro de 2024 é o prazo de entrega do proxecto básico. A licitación da obra realizarase na próxima primavera.
